Hrakfarir og heimkoma...

Sæl öll þið sem hafið gaman af að lesa bloggið mitt og hvað ég er að gera hér í Danaveldi. Einsog ég sagði í fyrsta blogginu hérna í Danmörku þá ætla ég ekki að halda áfram að blogga þegar ég kem heim til Íslands. Þar sem þetta er svona kveðjublogg verður það kannski soldið væmið og óþolandi en ég ákvað samt sem áður að henda því inn.

Nú er aðeins vika í að ég komi heim, 7 dagar... Sem er ekki langur tími, alls ekki! Ég hef upplifað ótrúlega margt hérna í Danmörku, sem og Tékklandi. Mest allt hér hefur verið æðislega frábært, ég trúi varla hversu góð dvöl mín var hér og mæli ég virkilega með þessu skóla fyrir ykkur sem viljið stunda íþróttir en samt sem áður hafa félagslífið í hámarki og ef ykkur líkar við notalegheit, kúr, nudd, hausklór og fleira sem viðkemur notalegheitum þá er Gerlev staðurinn fyrir ykkur. Sérstaklega þar sem hann er úti í sveit svo fólkið er ekki alltaf í bænum heldur hér innan veggja skólans.

En já, ég er að koma heim... Það er æðisleg tilfinning! Vinir og fjölskylda eru einungis brot af því sem ég sakna en samt sem áður það sem ég sakna hvað langmest. Æðislegt að heyra frá foreldrum mínum að mamma er byrjuð að baka, pabbi búinn að veiða rjúpur, gæsir og svartfugla og strax 22. desember þegar ég verð kominn heim mun ég fá villibráð sem ég elska. Ég semsagt verð kominn á Sauðárkrók einhvern tímann að kvöldi til 21. desember og eru heimsóknir vel þegnar og býð ég ykkur velkomin í heimsókn viljið þið hitta mig.

En núna ætla ég að hætta þessu væli og þessari væmnisvitleysu og koma mér að síðastliðnum dögum / vikum...
Fyrir um tveimur vikum síðan þá voru alls 250 ungir krakkar hérna í Gerlev, 4.-6. bekkur ogv vegna þess að við erum að læra að vera íþrótta-leiðbeinendur (ég kem heim með þjálfararéttindi í körfubolta). Við vorum 8 saman í mínum hóp og höfðum við einn bekkinn alveg útaf fyrir okkur í þrjá daga og var það ánefa lífsreynsla. Ég komst til dæmis að því að það er mun erfiðara að þjálfa/kenna boltaíþróttir en aðrar (t.d. dans) vegna þess að þegar þessir litlu englar fá bolta í hönd eða eitthvað sem þau geta hent, dripplað slegist með þá eru þau ekki ennþá litlir englar heldur "litlir djöflar". Við fengum reyndar alveg frábæran bekk og voru þau mjög skemmtileg. Tveir strákarnir elskuðu mig frekar mikið og minntu mig þar með pínu á Valgeir Inga litla frænda (enda á hans aldri). Fótbolta-, körfubolta og Streetmovement-æfingarnar gengu upp og niður en það voru allir sammála um það í hópnum mínum að það fer mér vel að vera þjálfari/kennari því ég næ mjög auðveldlega að tengjast börnum og "setja mig á þeirra plan". Þrátt fyrir þetta ætla ég mér ekki að vera kennari, en ég gæti hugsað mér að vera þjálfari. Krakkarnir tengdust manni frekar mikið á þessum þremur löngu dögum og þegar kveðjuathöfnin var komu þrír drengir og klesstu sér upp við mig og við héldum um axlir hvors annars. Svo þegar athöfnin var búinn og tími til kominn að segja bless kom sá strákur sem var í mestu uppáhaldi hjá mér til mín og sagði: "Palmi, jeg tror jeg vil savne dig" sem á góðri íslensku þýðir: "Pálmi, ég held að ég muni sakna þín". Síðan kom annar drengur, sem hafði tekið húfuna mína og hlaupið með hana út, til mín, henti í mig húfunni og stökk svo og faðmaði mig. Þetta var frábær lífsreynsla og eftir á mjög gaman þó svo að þolinmæðin hafi verið á tæpasta vaði stundum Ég æfðist mikið í dönsku þessa vikuna því þau töluðu litla sem enga ensku og var ég í "International hóp" og voru aðeins tveir danir í honum. Ég talaði að sjálfsögðu einungis dönsku við krakkana og var ég einnig notaður sem túlkur fyrir Pólverjana og Tékkana.

Á meðan þessari viku stóð buðu Malte (player'inn) og Simon (sykurbrúni hnakkinn), sem eru mjög næs gaurar mér að æfa með sér Streetmovement sem felst að mestu í því að hoppa, hífa sig upp hluti, klifra og príla. Hentar þetta mér ótrúlega vel því ég er sterkur miðað við stærð mína og þyngd svo ég hafði ótrúlega gaman af. Upphitunin var nokkuð erfið, en hún fól í sér hlaup, afturábak og áfram, jafnvægisæfingar, hlaup upp og niður stiga, hopp upp og niður stiga, skríða upp og niður stiga o.fl. Þar á eftir fórum við í Streetmovement-park'inn (parkour) og gerðum fullt af æfingum.


Einn leiðbeinandinn með týpískt "Streetmovement" stökk

Strákarnir voru mjög hissa hversu góður ég var í þessu, sögðu að ég væri natural :D Einsog þeim var sagt í ferðinni sinni til Frakklands (þar sem þeir gerðu m.a. yfir 1000 mismunandi armbeygjur einn daginn) þá sagði þjálfarinn þeirra þar að Streetmovement/Parkour væri 95% líkamlegt og 5% tækni og ég hef greinilega mikinn hluta líkamlega hlutans. Ég gerði margt, t.d. hoppa á milli tveggja steyptra 30-40cm veggja þar sem var 2 metrar niður, sveiflaði mér fullt á slám og gerði t.d. þrísixtí sveiflu sem ekki allir í streetmovement hafa gert (og þeir hafa æft þetta í rúma þrjá mánuði), einnig gerði ég catleap og margt fleira. Svo gat ég gert eitt sem þeir sögðu að einungis kennarinn þeirra, Martin sem er lítill naggur sem er megasterkur og með grundvöll í Martial Arts og er að leika sem Stuntman í dönskum sjónvarpsþáttum og myndum, gat gert. En það var að hanga og svo komast upp á slá án þess að nota olnbogana. Ég tel samt að sumir þarna geti þetta en þeir nota yfirleitt smá hopp.
En ekki endaði þetta ævintýri nógu vel, því ég sem er of aktívur geng alltaf aðeins of langt. Ég var að reyna stökk sem var heldur erfitt, beint upp og uppá vegg. Fyrst datt ég en náði að koma höndunum undir mig, næst tókst það, í þriðja skiptið rann ég og dúndraði sköflungnum í og var það frekar vont... Ég reyndi einu sinni enn og það tókst en eftir það stökk athugaði ég sköflunginn minn og var hann ekki vel útlýtandi, en það var veeel djúpur skurður (eiginlega inn að beini) og væntanlega hefur hann verið svona 2,5 x 1,5 cm svo hann var frekar breiður - Ótrúlegt hversu sársaukalítið þetta var. En við reyndum hvað við gátum til að loka þessu með heftiplástrum en það ekki ekki og það endaði með því að ég fór á bráðamóttöku og fékk þrjú spor ...


Svona leit skurðurinn út fyrr í dag áður en saumarnir voru teknir, en tíu dagar eru síðan ég meiddi mig...

Ég tel samt að þessi æfing hafi verið þess virði því ég hafði ótrúlega gaman af og er ég að hugsa um að fara að gera svona æfingar heima, spurning hvort ég fái að hafa eina fótboltaæfinguna með svona æfingum .

En þetta var ekki eina óhappið þessa vikuna, því í lok viku tóku hressu heimilslegu danirnir sem alltaf eru að baka og gera eitthvað ljúft, upp á því að búa til brjóstsykur (bolscher) og brögðuðust þeir óendanlega vel. En Adam var ekki lengi í paradís því þegar ég var að borða einn brjóstsykurinn brotnaði fylling úr framtönninni minni sem þýðir að ég er nokkrum þúsundköllum fátækari.

Næsta vika leið nokkuð vel, ég mátti lítið gera vegna skurðins á löppinni en tók þó þátt í "Saga's killing day" en það var helvíti gaman og góð æfing. Við vorum þrjú saman, ég, Anne og Saga. Við byrjuðum á brekkuþjálfun, sem innihélt hlaup upp brekkur, framstig niður, hopp upp, afturábakhlaup upp o.fl. Þar á eftir tókum við heilan helling af magaæfingum og enduðum svo á vel rúmum klukkutíma í lyftingasalnum.

Um helgina var að sjálfsögðu partý einsog venjulega og var það Galla-Party. Þar sem strákarnir eru töluvert færri en stelpurnar voru margir hverjir með tvö date, ég þar á meðal. Því miður fengum við ekki að bjóða stelpunum út heldur þurftum við að draga og einnig hvernig við ættum að bjóða þeim. Ég þurfti annars vegar að vera með hjálm á hausnum og hinsvegar á þurfti ég að tala frönsku sem ég kann ekki stakt orð í. En var þetta flott veisla, góður matur og allir litu vel út í sínu fínasta.


Ég og stelpurnar sem ég dró úr skálinni: Lærke sem er ekki í miklu uppáhaldi og Trine ofurspræka...


Strákarnir í körfuboltaliðinu..

Á þriðjudaginn síðasta var svo mót í skólanum í Pool, Dart og Fúsball... Ég sökkaði í þessu móti þó ég sé orðinn töluvert betri í öllu þessu en þegar ég kom hingað, Börkur ég hérmeð skora á þig í Fúsball þegar ég kem heim
En allt í einu þegar ég var bara á röltinu byrjaði ég að finna til í hnéinu og þegar ég leit á það var það heldur betur bólgið. Morguninn eftir var það orðið enn bólgnara og enn meiri sársauki. Fólkið á skrifstofunni skipaði mér að fara á gjörgæsluna og þar var tekið röntgen mynd og blóðprufa en enginn vökvi er inná liðnum og enginn sýking.. Bara fullt af vökva ofan á hnéskelinni og þar í kring.


Einsog þið sjáið þá eru hnéin mín ekki alveg eins...


Og þess vegna settu læknarnir mig í heljarinnar spelku


Jebb, ég er á hækjum...

Ég kom síðan heim í Gerlev með þær skipanir að ég þyrfti að vera með spelku og hækjur síðustu átta daga mína í Danmörku, Great!

Nú ligg ég uppí rúmi flesta daga því ég finn til í hnéinu ef ég hef ekki mikinn stuðning undir fætinum...

En nóg komið af bloggi... Ég er hættur þessu, býst ekki við að byrja aftur
Ég býst við miklum skoðunum og vona ég að þið hafið haft gaman af að lesa frá Danmerkurævintýri mínu...
Pálmi Þór Valgeirsson

Mikið rétt, ég og Bríet fengum það verkefni að baka köku fyrir "Boholds-meeting" dagsins... Við bökuðum djöflatertu en skýrðum hana "Hi Sam-Kage" en "Hi Sam" er ein af frægum setningum skólans, Sam er kennarinn sem allar stelpurnar eru að missa sig yfir, hér er afraksturinn:

Dýrleg kaka ekki satt?

Fátt er að frétta, annarskiptin búin og ég hættur í fótbolta, íþróttasálfræði og gömlum leikjum og við tekur Nudd sem ég er nýkominn úr og var awsome, Musik og kannski gítar... Veit ekki alveg með það því ég er ekki með gítar.

Ég var staddur í Vallekilde Folkhighskole um helgina og var aðalumræðuefnið Evrópusambandið og hlutir tgengdir því og Evrópu. Að sjálfsögðu var partý um kvöldið

Saga, Pólverjar og Tékkar í stuði


Wojtek, Kate og Mikolaj

Nóg í bili... fátt að frétta en ég hef það gott! Takk fyrir komment síðasta bloggs, gaman að heyra frá ykkur..


Bæ!

Jahá, Pálmi hinn danski skrifar á ný...

Þetta verður stutt og laggott því ég hef ekki frá miklu skemmtilegu að segja og ég nenni ekki að gera langt innihaldslaust blogg um ferðir mínar, en ég nenni að gera stutt innihaldslítið blogg um ferðir mínar ☺


Eplatrésgarðurinn í skólagarðinum, fresh epli when ever you want!

Ég lofaði myndum í næsta bloggi, ég verð bara að stela myndum frá Þórfríði því ég fann ekki myndavélina sem mér langaði í á nógu hagstæðu verði í Kaupmannahöfn, ætla að hjóla til Slagelse á morgun og reyna að finna El-Giganten (svipað og BT)


Frægi gæjinn í skólanum, var víst einhver barnastjarna í Danmörku og var algjör 12-13 ára gamalla stelpna segull. Hér er hann með vini sínum að hvetja fótboltaliðið til dáða (Klappstýrur liðsins)
Razz - Kickflipper


Hann er einnig alltaf að sýna sig í salnum.. nóg af karetekicks og eitthvað

Virku dagarnir ganga einsog venjulega, íþróttir, matur og svo að lokum auðvitað “skal man hygge sig”. Finn skólameistari, 60 ára gamall ótrúlega hress kall, átti afmæli núna í vikunni og því var “reception” á föstudeginum, boðið var upp á ekta danska “veislu” - Pinnamatur, bjór, gos, Hvít-, Rauð- og Rósavín og var það frábært. Þessi helgi var heimferðarhelgi hjá dönsku krökkunum og því var mikið um “útlendinga” hér, Pólverjar, Íslendingar og Tékkar. Því ákváðum við Íslensku krakkarnir að skreppa til Kaupmannahafnar og höfðum gaman af, glampandi sól og mikil gleði einkenndi þá ferð. Verslaði mér skyrtu og bol og svo fórum við í Tívólí þar sem adrenalínið fékk að streyma um líkamann.


Finn skólameistari, Þórfríður og Sam - Kennarinn sem allar stelpurnar eru að missa sig yfir.


Íslensku stelpurnar að Snædísi fráskilinni.

Í dag er sunnudagur og allir Danirnir heima, því ákváðum við Saga að fara að lyfta og ætla ég að láta stelpuna púla og einnig mun ég sjálfur taka veel á og þyngja mig aðeins. Einnig er þvottadagur í dag og er ég að bíða eftir að stelpurnar taki sig til og nenni að koma að þvo með mér.


Og að lokum, hnakki skólans... Vel tanaður, stinnir upphandleggir, stripur og hár uppí loft!

Pálmi er kominn með nóg, kem með sjóðheitar danskar fréttir síðar!

---

Myndir fengnar af www.blog.central.is/toffa-dk , fleiri myndir þar... Tjekkit!

Danmörk, Danmörk, Danmörk... Líf mitt þessa dagana og næstu þrjá mánuðina mun eiga við þetta frábæra land. Reyndar skreppi ég í Evrópuferð þar sem keyrt verður í gegnum nokkur lönd (veit ekki hvaða leið er farin) og til Tékklands.

Ég ætla að blogga meðan ég er hér úti en geri það ábyggilega ekki oft svo ekki byrja að suða í mér, ég ætla bara að gera innihaldsmikil og vonandi skemmtileg blogg til að segja frá þessari lífsreynslu minni.

Síðustu dagar eru í stuttu máli sagt - íþróttir, rólegheit og ferðalög.

Fyrir tveimur vikum, aðfaranótt mánudagsins 3. sept lagði ég af stað suður á bóginn til hinna bjórdrekkandi, ligeglad og ofsakátu Dana. Þegar ég kom í skólann, búinn að vaka alla nóttina á þessu langa ferðalagi tók ég strax þátt í sjálfsvarnaríþróttum og sundi... En ég ætla ekki að gera þetta að löööngu svona bloggi um hvern dag, fer í fljótu yfir annars mjög skemmtilega viku:
• Mikið af faðmlögum og fólk látið leiðast
• Allskonar leikir til að kynna fólkið fyrir hvort öðru
• Allir voða glaðir og vinalegir
• Miiikill matur, kaffi, te og endalaust brauð
• Spilaði breskt “Cricket” og er það snilld, setning skólans kom úr þeim leik og er hún notuð í öllum íþróttum, allt frá Billiard til fótbolta:
o “Now that’s cricket”
• Og svo síðast en ekki síst → Íþróttir, nóg af þeim.

Ég var hér í Danaveldi frá sunnudegi til föstudags og flaug þá aftur heim til að heyja einvígi við BÍ/Bolungarvík og höfðum betur samanlagt 4-2 (3-0 heima, 2-1 tap úti). Æðislegt að tryggja sig upp í aðra deild, fórum erfiðu leiðina en að lokum var það enn sætara. Slakaði á á milli leikja og fékk góðan félagsskap ☺
Á leiðinni heim var djammað og djúsað, haldið upp á sigurinn og gerðist ýmislegt, t.d. sáust 4 drengir naktir á Hólmavík hlaupandi um göturnar og var það án efa fyndið!

Ég er aftur kominn til Danmerkur og var ótrúlega leiðinlegt að kveðja strákana í liðinu, fjölskylduna og alla nánu vinina. Ég á eftir að sakna Íslands, það er alveg pottþétt en ég tel samt sem áður að þetta haldi áfram að vera frábært hér. Er einn í herbergi og hef það notalegt.

Nú er klukkan að verða ellefu og eftir eins mikla erfiðisdaga einsog daginn í dag, spiluðum leik með fótboltaliðinu og setti kallin 2. Sem þýðir að ég er kominn með 4 mörk í 2 leikjum hér í Danmörku.

Þetta er komið nóg í bili, fer til Kaupmannahafnar á laugardaginn með skemmtilegu íslensku vinum mínum hér í Gerlev og ætla ég mér að kaupa mér myndavél, þetta blogg er það hráasta sem ég skrifa hingað, ég loofa því... Kem til með að segja frá skemmtilegu atburðunum en ekki bara þessum normal dögum einsog ég lýsti að einhverju leyti hér.

Venlig hilsen,
Pálmi Þór

Lag síðustu daga: Leikmenn m.fl. KK Tindastóls - Tindastóll upp í 2.deild

Góðan jóladag góðir hálsar....

Pálmi Þór Valgeirsson óskar öllum gleðilegra jóla og vonandi hafið þið það öll frábært yfir jólin, hef ég sjálfur verið ótrúlega sáttur og vonandi klárast fríið á þeim nótunum....

Annars hefur margt og mikið gerst í mínu lífi uppá síðkastið, og er það eiginlega allt alveg frábært !
Fyrir viku síðan var haldið Eyrarpartý og var það eitt það besta, það var öllu tjaldað... Hangikjötið, gítarinn, söngtextarnir, gífurlegar raddirnar og svo ekki sé minnst á viskíflöskuna.... sem kláraðist á ótrúlega skömmm tíma, Svenni Siffa og Pétur Valda voru duglegir! Rætt var um djamm liðinna ára, auðvitað aðeins um verslunarstarfið og síðast en ekki síst asnalegar en jafnframt frábærar pick-up línur:
Mikki labbar upp að huggulegri stelpu væminn á svip:
• Væmin rödd: ,,Nei hæ værir þú ekki til í að vera systir mín í kvöld?”
• Stelpan fer auðvitað aðeins hjá sér, veit ekki alveg hvað hún á að segja eða gera...
• Síðan klárarðu setninguna: ,,Mig hefur nefnilega alltaf langað til þess að stunda sifjaspjell”
Þessi er skemmtileg, en jafnframt ógeðsleg og má minna á það að Mikki hefur alltaf fengið högg, eða a.m.k. slæm viðbrögð við þessari
Næstur var Kári:
• Mikilvægt er að vera mjög cocky og ákveðinn:
• ,,Ég er ekki frá því að þú sért fallegasta stelpan á svæðinu!”
• ...... ,,Ertu ekki til í að koma heim með mér?"
Allt vakti þetta ofboðslega mikla lukku og var mikið hlegið! Leið okkar lá síðan á Krók og þar næst á Mælifell, ég reyndar varð þess valdur að Frigga var hent út, sry team! En þetta kvöld var aalgjör snilld og alveg frábært!


Á sunnudaginn fór ég til Reykjavíkur... punktablogg:
• Keyrsla suður með Davíð Arnari og Frigga Lax
• HÍF fundur.... Verð að fara stunda þá oftar!
• Reykvíkingar annaðhvort kunna ekki umferðarreglur eða fara ekki eftir þeim!
• Kringlan - Engin bílastæði!
• Bond, James Bond... Daniel Craig er svalt persónuleikalaus!
• Smáralind, mikið hlegið
• Skyndibitastaðir..
• Peningaeyðsla
• Jólagjafir
• Síðast en ekki síst, sniiilldar jólaball sem MH hélt!!
• Fékk far í þétt setnum bíl hjá Arnari Þór og Vildísi
Snilldarferð í alla staði!

Meðan ég var fyrir sunnan fékk ég útúr prófunum og var það alveg algjör snilld...
Íslenska 503 - 8
Þýska 303 - 8
Jarðfræði 103 - 9
Saga 203 - 9
Enska 403 - 9
Eðlisfræði 303 - 9
Stærðfræði 503 - 10 Ótrúlega sáttur!!!
Skólasókn - 10 Ekkert voðalega erfitt fyrir mann sem er með frjálsa mætingu í öllu (forseti yall know)

Eyrin tók síðan við og var unnið til kl. 18:00 á Þorláksmessu....

Jólin voru góð, rjúpan var yndisleg, gjafirnar góðar, spilið var gott... Jólin voru frábær! Öll systkini mín, krakkarnir Guðrúnar, Íris og Valgeir, Börkur, Dista amma og Kári afi, Gunna amma og Pálmi afi öll mætt hingað í háuhlíðina til þess að halda jólin saman ....

Fékk trefla, TV-flakkara, peninga o.fl.


Stórfjölskyldan mín




Ég og mín yndislegu systkini


Smá flipp í mér og Guðrúnu sys!

En ég vil bara óska öllum gleðilegra jóla og vonandi hafið þið það öll gott yfir hátíðirnar....

Jólakveðja,
Pálmi Þór Valgeirsson

Jæja, Pálmi er maður sem hefur haft mikið að gera síðustu daga.. Ég held bara að það hafi samt sem áður gengið þónokkuð vel hjá honum.

Já, ég er mættur aftur eldhress að vanda.. Síðasta vika var held ég ein sú erfiðasta sem ég hef lifað en samt sem áður ein sú skemmtilegasta!
Ég var í gervi Pálma Forseta og það að vera forseti getur verið strembið. Ræður, myndatökur, bókamarkaðir, fundir, undirskriftir samninga, undirbúningur busavígslu, busavígsla og ballauglýsingar eru svona það helsta sem ég hef verið að gera. Ég nenni ekki að lýsa þessu neitt betur.. Þetta var strembið, en ég lifði það af og ég held meira að segja að ég sé betri maður núna eftir á! Betur um þessa viku á www.nfnv.is og hvet ég alla til að skoða síðuna sem oftast.. ætlum að hafa hana í gangi í allan vetur!

Helgin einkenndist af litlum svefni og miklu djammi! Á föstudaginn, eftir að hafa vaknað kl. hálf sjö fór ég niður í skóla að undirbúa busavígslu og allt sem kemur við því.. Busavígslan leið og gekk bara mjög vel!
Um kvöldið kíkti ég svo á Frigga og var það bara rólegheit. En svo var komið að "BUSA"ballinu.. Vá það var snilld! Ég skemmti mér a.m.k. alveg frábærlega og vil ég þakka öllum fyrir gott ball! Einsog alltaf tók ég nóg af myndum:
http://palmithor.bloggar.is/album/15241/




Laugardagurinn einkenndist af vinnu, aðeins meiri vinnu en venjulega af því að standið á Eyrinni er ekki nógu gott! Alltof lítill mannskapur... slæmt mál! Og svo fór ég í það að henda inn myndum frá busavígslunni (enn og aftur minni ég á www.nfnv.is) og gerði mig svo til fyrir uppskeruhátíðina í knattspyrnu. Einsog síðustu ár var hún algjör snilld og aftur mætti ég með myndavélina:
http://palmithor.bloggar.is/album/15239/



Ef þið viljið lesa meira um uppskeruhátíðina þá bendi ég á: www.skagafjordur.com/tindastoll , en til verðlauna unnu eftirfarandi:

• Brynjar Rafnsson - Binni Goalie fékk fyrir bestu mætinguna
• Björn Ingi Óskarsson - Bibb NoGoal var kjörinn markakóngur
• Pálmi Þór Valgeirsson - Eimreiðin fékk fyrir mestu framfarir
• Rúnar Már Sigurjónsson - Guttinn var kjörinn efnilegastur
• Gísli Eyland Sveinsson - Svampurinn var kjörinn besti leikmaðurinn

Gott kvöld og án efa gaman að djamma í þessum góða hópi!

En ég tel þetta gott í dag... Kveð að sinni sáttur með lífið og tilveruna

Já, Pálmi Þór er vakandi, ótrúlegt en satt.. Aðalástæðan fyrir því er samt að mig langar að heyra úrslitin úr Rocstar:Supernova
Þessi þáttur er helvíti mikið fíkniefni, maður vill sjá úrslitin og tel ég aðalástæðuna vera Magna. Hann er að meikaða feitast drengurinn og finnst mér það bara snilld! Nú ætla ég að segja litla sögu um afrek mín á balli hjá Magna.. Þar eru tvö skondin atvik sem standa uppúr:

Það fyrra:
Ég er staddur á Ísafirði um Verslunarmannahelgi, ástæðan fyrir því að ég var á þessum fjarlæga stað um Versló var einmitt unglingalandsmót. Um Verslunarmannahelgar er alltaf selt allskonar drasl sem yfirleitt annars væri ekki selt, einsog glóandi hálsfestar, dót sem blikkar og hvaðeina.
Magni og hljómsveitin hans, Á móti sól tróðu upp á laugardagskvöldið að mig minnir og var þrusustemming, allir litlu krakkarnir edrú og að skemmta sér konunglega. En stíg ég þá ekki einhvern hlut, ég ath. hvað þetta er og þá kemur í ljós að þetta er eitt af þessu blikkandi drasli, blikkandi snuð sem hafði farið undir skóna hjá allskyns fólki tel ég, því það var brotið. Ég tek það upp, kveiki á ljósinu í því og þrykki því uppá svið Haldiði ekki að Magni, þessi heimsfrægi maður, taki það upp... Það líður ekki að löngu þangað til að maðurinn stingur því uppí sig við mikinn fögnuð minn, ég ætlaði ekki að hætta að hlæja, þetta var ofboðslega fyndið

Það seinna:
Ég er staddur í Miðgarði, þeim frábæra stað á balli með Á móti sól. Mikið af fólki er á ballinu og allir að djamma og tjútta á fullu og auðvitað var ég einn af þeim. Árni bróðir hafði einmitt verið nýkominn frá USA og keypt þetta fína Fossil úr handa mér, með ól sem hægt var að skipta um (úrið fest á ólina með smellum). Ég er þarna í góðum fíling en tek allt í einu eftir því að úrið er horfið af ólinni. Ég panika og leita um öll gólf en enginn er árangurinn... Þannig að ég ætlaði að þykjast klár og reyna að ná í tærnar á Magna og biðja hann um að auglýsa úrið, ég teygji mig og teygji og rétt næ að strjúka skónna hans en næ engu sambandi við hann, ekki nema það að hann brosir til mín einsog ég sé einhver algjör grúppía.. mér leið ekki vel

Já, ég og Magni eigum fortíð og ætla ég að publisha fyrri söguna útum allan heim ef hann kemst alla leið í þessum þætti...

Fólk er að tala um að ég sé ekki nógu duglegur bloggari og því ætla ég að svara þessum gagnrýnisröddum... Ég vinn 9 tíma á dag og er í fótbolta ca. 2 tíma á dag... Ég nenni sjaldan að eyða þessum fáu tímum sem ég á eftir til að blogga, sérstaklega þegar ég hef ekkert að segja! Þannig að þið sem hafið verið að gagnrýna mig, hér hafiði ástæðuna ☺

Fótboltinn hefur ekki gengið nógu vel, við unnum reyndar Snæfell 1-8 á Stykkishólmi, þar sem mér tókst auðvitað ekki að skora, það ætlar ekki að takast! Átti reyndar skot í slá, en það er ekki nóg....
Við spiluðum síðan í gær á móti Kára, rassapoturunum frá Akranesi... Það fór ekki vel.. Ég vil ekki tala mikið um þennan leik en í fáum orðum:
Þeir skoruðu rangstöðumark, Haukur stangaði hann inn, ég lagði upp mark og fékk á mig víti á síðustu mínútum leiksins sem var skorað úr og fór það alveg með mig! Leikurinn endaði 2-2....

Eftir leikinn á Stykkishólmi fór ég í afmæli hjá Frigga Lax útá Hafragili og var það frááábær skemmtun, pottur, úrbeinað lambakjöt og góður félagsskapur! Afmælið endaði svo á balli með stuðmönnum og einkenndist það af miklu djammi, Dabba Rú og endalausum hlátri.. Það var snilld! Ég smellti nokkrum myndum og getiði nálgast megnið af þeim hér uppi undir tenglinum: Myndir
Á Sunnudaginn skrapp ég á Hofsós að hitta Signýju, sem var einsog alltaf frábært. Við skruppum svo á hestbak hjá Guðrúnu Sonju og var það aaalgjör snilld, langt síðan ég hef setið hest. Takk fyrir það Guðrún

Já, annars hefur þetta bara verið nokkuð hefðbundið hjá mér.. Vinna og fótboltinn aðalefnið! Ég enda þetta blogg með smá sýnishorni af myndunum Vil ég þakka Ingva, Rúnari og Konna fyrir að vera aðalfyrirsætur helgarinnar og einnig frændunum fyrir að koma með Dabba Rú fyrir framan myndavélina það var snilld !

Ekki hef ég verið duglegur, onei... En þegar ég bjó til þessa bloggsíðu bjóst ég ekkert við að vera neitt rosa aktívur, aðeins láta vita að ég sé á lífi og reyna skrifa eitthvað smá!

En hvað er samt málið með blogg, blogg eru fáránlegt fyrirbæri? Fólk að reyna koma heimskulegustu hlutum á framfæri sem aldrei kæmu uppá yfirborðið öðruvísi en í bloggum... Pælingar sem enginn hefur pælt í, umræður um asnalega hluti, leikir sem annars væru bara leiknir í rútum á ferðalögum eða eitthvað svoleiðis.. Fáránlegt en satt þá er bloggmenningin að tröllríða internetinu um þessar mundir og er maður nánst hættur að “vafra” um netið einsog þegar það var “nýtt og spennandi”.. Nú skoðar maður í staðinn blogg, og hvað einstaklingar hafa gert síðustu daga/vikur... Yfirleitt er manni nokk sama um það en samt les maður alltaf og maður hættir ekki, jafnvel oftar en einu sinni? Svo eru sumir komnir útí það að skoða blogg hjá manneskjum sem þau þekkja ekki rassgat? Er það fáránlegt eða er það bara eitthvað sem fólk gerir til að gera ekki neitt? Spurning...

Ég hef ekki verið mikið með pælingar á mínu bloggi svo mig langaði að prófa þettta... því yfirleitt finnst mér blogg fáránlegt fyrirbæri, ég ætlaði mér aldrei að gera blogg en í prófum nennir maður ekki að læra allan daginn, svo til varð palmithor.bloggar.is! Mér hefur alltaf fundist kjánalegt að lesa öll þessi blogg og já, hjá manneskjum sem maður kannski rétt kannast við.. :/

En já, síðustu dagar hafa verið frábærir hjá mér og er ég ótrúlega sáttur við allt þessa dagana! Við reyndar töpuðum 6 - 1 fyrir Þór en það er saga sem ég ætla ekki útí...
Signý kom hingað síðustu helgi og var hjá mér á laugardaginn og á sunnudaginn var ég herramaður og grillaði þessa dýrindissvínasteik og ekki var hún ósátt með mig stelpan ;)
Í gær spiluðum við á móti Hvöt og gerðum við okkur lítið fyrir og unnum þann leik 2 - 0... Við skoruðum bæði mörkin okkar í fyrri hálfleik og vorum við með völdin á vellinum! Sá seinni var ekki einsgóður en við héldum hreinu og það var takmarkið!

Litlu pjakkarnir, Íris og Valgeir voru hérna síðustu daga og tóku þau tvær aðrar með sér.. Höllu vinkonu Írisar og Nótt, sem er krúttlegt lítið kvikindi (þ.e.a.s hundkvikindi)... Það var æðislegt að hafa þau hérna og ótrúlega gaman að sjá þau aftur ☺


Nótt, æðislega kvikindið!

Núna sitjum við Raggi og horfum á Narnia, þar sem hann hefur ekki þorað að leigja han varð ég að bjóða honum hingað og leyfa honum að horfa á þessa fínu mynd!

Leikur um helgina og hvet ég alla til að koma að horfa, Snæfell koma hingað á sunnudaginn og viljum við allan mögulegan stuðning!

En það er nóg í bili, ég kveð að sinni...

Spurning dagsins: Eru blogg yfirleitt þess virði að lesa þau, var þetta blogg þess virði?
Lag dagsins: Belle and Sebastian - The Blues Are Still Blue

Já, ég er mættur enn og aftur... Ég hef aftur heyrt að ég sé lélegur bloggari en svona er þetta, maður hefur annað að gera þessa dagana en að vera vesenast í tölvunni og blogga sem er bara vesen...
En ég er samt ekki svo slappur að hætta bara, ég mun halda áfram og reyna standa eitthvað aðeins undir væntingum!

Allt er að ganga upp þessa dagana og er ég mjög sáttur einstaklingur...

• Við kepptum á móti Völsung, sem eru deild ofar en við, í bikarnum á fimmtudaginn og gerðum okkur lítið fyrir og unnum 3 - 0, sem var snilld
• Gísli markmaður komst í sögubækurnar og setti tvö, Ebbe Nygaard skoraði þriðja markið.
• Vinnan er byrjuð að krafti og er heldur betur mikið að gera á Eyrinni síðustu daga og er ég nokkuð sáttur..!
• Ragnar Freyr Guðmundsson, Sonurinn, hélt í gærkvöldi afmælisteiti í tilefni af 21. árs afmælinu hans sem var 3. maí og gekk það svona frábærlega og vil ég þakka Ragnari fyrir góða skemmtun
• Björn Magnús stóð sig vel á gítarnum og á hrós skilið.
• Afmælið einkenndist af Eurovision lögum, jafnt góðum sem og ekki eins góðum..
• Frábær lög einsog, Minn hinnsti dans, gleðibankinn og fleiri fengu að óma oftar en einu sinni... algjört gull!
• Ingvi missti sig í gleðinni og hef ég sjaldan heyrt eins mikinn og góðan flutning á þessum rosalegu lögum, allavegana ekki eins mikla líkamstjáningu

Ég vil afsaka að ég er ekki með myndir frá partýinu, en myndavélin mín var víst batterílaus þegar ég ætlaði að fara smella af

Þetta eru svona síðustu dagar í hnotskurn og nenni ég ekki að koma með einhvern svaka fróðleik núna... Hef ekki staðið mig nógu vel í sniðugum bloggum en ég reyni!

Leikur á þriðjudaginn á móti Neista FC. og hlakka ég mikið til! Reyndar kvíði ég pínu líka því það er spáð sliddu og einsog staðan er núna er byrjað að festa snjó á jörðinni :/

En ég kveð að sinni því það er rosalegur leikur í sjónvarpinu... LeBron og félagar í Cleveland á móti Detroit tröllunum, ég vona innilega að Cleveland taki þetta!


En nóg í dag... kveð að sinni